Big Brasser
von de Ginder (copyright)
Willi: Ei gugge mol do
Heiner: Ei guude, wie dann?
Willi: Subber, un bei dir?
Heiner: Alles im Lot
Willi: Saach ma, kennst du die Sendung in RDL zwaa, Big Brasser?
Heiner: Nee du, mei Hermi saacht, daß so´n Schweinkram mit dene Privade ned ins Haus kimmt
Willi: Schad, do verpassde einisches
Heiner: Wos dann zum Beischpiel
Willi: Big Brasser zum Beischpiel
Heiner: Un wos is des dann jetzt?
Willi: Do sann 12 Leut hunnert Daach eugeschperrt und wern de ganze Daach gefilmt
Heiner: Kenn isch
Willi: Kennst du?
Heiner: Ei sischer
Willi: Ei woher dann?
Heiner: Noch nie wos von de DDR gehört?
Willi: Du Scherzkeks, des iss in Köln und die Holländer ham des erfunne
Heiner: Die erfinne erst die Löcher im Käs und jetzt sowos
Willi: Iss awwer echt inderessant wos do so abgeht in der Sendung
Heiner: Wos geht dann so ab do?
Willi: Die Weiwwer siehsde, wenn die sisch naggisch ausziehe und dusche gehe
Heiner: Mei Hermi würd saache: Schweinkram
Willi: Un dann hod sisch do aach noch ä Päarsche gefunne und die ham gefilmt, wie die im Schlofzimmer beienanner liesche
Heiner: Bei- oder uffenanner
Willi: Ei aach uffenanner
Heiner: Un sowos erlaubt dir die Erna aazugugge?
Willi: Wozu gibt´s dann ä Fernbedienung, wenn die Erna aus de Küch kimmt
Heiner: Wußt isch´s doch, daß du so´n Schweinkram aach ned gugge derfst
Willi: Ei, so schlimm is es awwer aach ned widder, üwwerwieschend bringe die des Gelaaber von dene Bewohner
Heiner: Wos labbernd die dann 100 Daach lang?
Willi: Ach alles möglische, Brustverkleinerung, Äz und Kondome un so weider
Heiner: Schon widder Schweinkram
Willi: Irschendwie hasde jo rescht, du als Außestehender siehst des ganz anners, wie aaner, der stets debei iss
Heiner: Jo, wer in de erst Reih sitzt, dem fehlt wie im Kino de üwwerschaubare Blick von hinne
Willi: Jo Jo, awwer es iss halt doch inderessant zu sehe, wie die ohne Daacheszeidung, Radio und Fernseher de Daach ärum kriesche
Heiner: Wos, 100 Daach ohne Schportschau?
Willi: Jo, die kriesche nix von drause mit – do könnde die Russe komme und die dede nix mitkriesche
Heiner: Du werst verriggt, die Welt geht unner, un die kriesche defo nix mit
Willi: Stell der ämol vor, du wärst hunnert Daach mit daane Hermi in daane Wohnung eugeschperrt ohne Fernseher, Radio und Zeidung
Heiner: Des könnt isch mer ned vorstelle, do ded isch verriggt wern
Willi: Eewe, des halde nur Verriggde aus, die kenne ned mer verriggt wern, die sinn´s schon
Heiner: Ned nur die
Willi: Wie maanst´n des jetzt schon widder?
Heiner: Ei Willi, isch maan, daß aach die Zuschauer, die des gugge verriggt sinn
Willi: Ei Heiner, awwer du maanst doch ned, daß isch verriggt bin
Heiner: Ei du ned, aber en ganze Haufe annern
Willi: Will isch awwer aach maane
Heiner: Waasde wos?
Willi: Wos?
Heiner: Eischendlisch könnt isch mer schon vorstelle bei so´nem Big Brasser mitzumache
Willi: Du?
Heiner: Ei sischer, 100 Daach im Hofbräuhaus kennt mer schon aushalde
Willi: Awwer nur wenn die Bedienunge aach mit eugeschperrt wern
Heiner: Sischer
Willi: Dirndl mit weide Ausschnitt
Heiner: Los des ned die Erna heern
Willi: Nee du, waasde wos?
Heiner: Wos?
Willi: Mir mache jetzt Big Brasser beim Waachner Kurt
Heiner: Du maanst euschperrn lasse nooch de Schperrstund un dumm Zeusch laabern?
Willi: Genau
Heiner: No dann nix wie los
Willi: Gehmer