Die Fenstergucker: De Dönerfresser
von de Ginder (copyright)
Sie: Gugg der die Dreckbande an. Vorne bei dene Terke die Döner kaafe und hier die Alufolie und die Serviette hieschmeisse.
Er: Saubande, als könnte die ihr’n Abfall ned bis zum nächste Müllaamer traache
Sie: Ei des mache die doch extra
Er: Provoziern haasd bei dene des Stischwort
Sie: Un die soll’n ämol unser Rente finanziern
Er: Ja dann guud Nacht Rente
Sie: Ham mir sowas gemacht, als mir jung warn?
Er: Nee du, awwer do gab’s jo aach noch kaa Dönerläde
Sie: Ja ham mir dann üwwerhaupt ämol irschend was uff de Bode geschmisse?
Er: Gar nix, mir ham halt noch gewußt, was Aastand iss
Sie: Gugg der se aa, wie se aach ärumlaafe, Hose drei Nummern zu groß, Tornschuh und die Kapp verkehrt ärum uff
Er: Die sinn zu doof ä Kapp rischdisch uffzusetze
Sie: Un wenn’s dunkel werd, werd die Sprühdos ärausgeholt un alles besprüht, was ned weglaafe kann
Er: Wenn die wenigstens Kunstwerke schaffe däde, awwer die Kritzele ja nur ärum
Sie: Do gugg, äm Grimm Peter sein Älteste
Er: Der had noch immer kaa Stell gefunne
Sie: Gugg der’n doch aa, dädst du den eustelle?
Er: Isch däd doch kaan eustelle, der hunnert Ring am Ohr had
Sie: Der sollt sich ämol beim Ringcenter bewerwwe
Er: Ned ämol do däde die den nemme
Sie: Do gugg, do kimmt schon wiedder so en Döner-
fresser
Er: Kannsde direkt druff warte, bis der seun Abfall uff’n Bode schmeisst
Sie: Gugg, wos mescht der dann jetzt?
Er: Wos mescht dann der an unsere Mülltonn?
Sie: Des gibt’s doch ned, der schmeisst sein Dreck bei uns in die Mülltonn
Er: Heh, sie da!
Dönerfresser: Was?
Er: Sie, des geht ja ned, daß sie ihr’n Dreck in unser Müllttonn schmeisse!
Dönerfress: Leck mich!
Er: Wart, dir geb isch gleisch!
Sie: Freschheit!
Dönerfresser zeigt Stinkefinger und geht weiter
Er: Haste des gesehe?
Sie: Des gehört aagezeischt!
Er: So ä verkommenes Subjekt
Sie: Drecksack