Die Fenstergucker: Dorscht
von de Ginder (copyright)
Sie: Da, gugg der den aa
Er: So besoffe war isch mein Lebdaach noch ned
Sie: Der geht, als ded äm Windstärke 11 entgeesche komme
Er: Gugg, wie der sisch an der Latern festhält. Isch lach misch kapputt
Sie: Äscht de Brüller, jetzt verneischt er sisch vor jedem der vorbeigeht
Er: Gugg nur, der find seun Mund gor ned mehr für die Flasch un schüd sisch alles uff de Pullover
Sie: So en Dabbes
Er: Haha, jetzt hat’s en hiegebrettert
Sie: Do leit ‘er und kimmt nemmer hoch, ä zu schee Bild
Er: Dadebei iss des doch gar ned so glatt
Sie: Gugg, jetzt zieht er sisch an der Latern widder hoch
Er: Stürmische See heut Kamerad, isch lach mer noch än Ast
Sie: Oh, oh, oh, jetzt wird Ballett gedanzt
Er: Siehste, widder Geld gespart für’s Theater – hier iss des Lewwe life
Sie: Kostenlose Vorführunge liewwe mir ja so sehr
Er: Mir komme schon die Träne, isch kringel misch gleisch
Sie: Gugg, jetzt kimmt er zu uns ärüwwer
Er: Guude Morsche Kollesche, subber oder normal
getankt, haha
Besoffene: Ääääääääää
Sie: Gugg, die alt Sau hat uns vor die Tür gekotzt
Er: Du Lumbes, du hergelaafener Stiewwelwichser
Sie: So ä Sauerei, oh wart
Er: Jetzt haut er ab, der Schluckspecht
Sie: Besoffene Bagasch
Er: Asoziale Elemende, nixnutzisch de ganze Daach ärumsaufe
Sie: In Awweitslaacher gehörn die gesperrt
Er: Un uff halwe Ratione gesetzt
Sie. Komm, hol de Gardeschlauch und spritz den Scheiß do unne weg, mer riecht’s schon
Er: Deiwwel noch äma, des iss werklisch ned zum lache