Die Fenstergucker,: Paket mit Schweinkram
von de Ginder (copyright)
Sie: Guck ma, de Otto-Karl führt sein Staubwedel aus
Er: Des iss en Hirtehund
Sie: Die arme Viecher sehe ned ämol, wo se hiescheisse due
Er: Isch awwer schon, do, guck nur, der setzt en Haufe direkt an de Randstein
Sie: Iss des ned lächerlisch, mit em Schaufelsche un ä Papierdud hinner so em Hund herzurennen un dem seu Stinkhaufe uffzusammele?
Er: Die Welt wird immer verrigder, früher hod de Hofhund in de Hof geschisse und fertisch, de Reesche hods weggeschwemmt, heut hod zwar ned jeder en Hof, awwer en Hund
Sie: Guck ma, die Bauer Rosel, die hinkt jo
Er: Had sich jo aach ä künstlisch Hüftgelenk eibaue lasse
Sie: Des hod se nun devon, hinkt
Er: Gesche den Ärztepfusch kannste nix mache, wenn de klaachst, klaachste Jahrzente un wer gewinnt, des sinn die Anwält
Sie: Die had jo aach gar nix zu klaache, die Bauers, die ham doch letzt Jahr erst wieder ä paar Äcker verkaaft, was Bauland geworrn iss.
Er: Isch kann der saache, warum des Bauland geworrn iss.
Sie: Warum?
Er: Mer munkelt, daß dem sein Vetter, der im Parlament sitzt, do ä bissi nachgeholfe hat
Sie: Wärst du in die Politik gegange, wär’n mir heut aach Millionärn
Er: Dadefer hab isch awwer ä reines Gewisse
Sie: Dadefer kann sich deu Fraa awwer nix kaafe
Er: Do guck de alde Müller kriescht schon widder ä Paket
Sie: Wos der nur dauernd geliefert kriescht?
Er: Seid der Witwer iss, läßt der sisch dauernd von der Beate Uhse so’n Schweinkram schicke
Sie: Maanst du werklisch?
Er: Ei sischer. De Fuchs Willhelm had mer des erzählt
Sie: Woher waas dann der des?
Er: Ei der schafft doch bei de Volksbank un do had der mitgekriescht, wie de Müller Beate Uhse Aktien gekaaft had
Sie: Kann mer mo sehe, was aus so em aaständische Mann wird, wenn die Fraa es zeitlische seeschnet
Er: Do guck, der Paketzusteller kann lang klingele, de Müller iss nämlisch vorhin mit em Fahrrad fort
Sie: Isch hab en gesehe, buntisch Trikot an, Sturzhelm und ä Rennrad unnerm Arsch
Er: Gesundheitsfanatiker. Irschendwann end des emol schlimm
Sie: Zuviel Sport kann ned gesund seu
Er: Guck, der Postler will doch ned etwa des Paket zu uns bringe, bloß weil der Herr Gesundradler ned dehaam iss.
Postler: Guten Tag die Herrschaften. Könnten sie das Paket hier vielleicht für ihren Nachbarn, Herrn Müller, annehmen?
Sie: Von wem iss dann des Paket? Postl
Postler: Von Neckermann!
Er: Schmeisese dem doch ä Abholkart in de Briefkaste
Sie: Mir ham kaa Zeit für so was Postl
Postler: Schönen Tag noch!
Er: Frohes Schaffe!
Sie: Do geht er hie – hod der gedenkt, mir nemme dem sein Schweinkram an?
Er: Nee, nee, jetzt hod der Neckermann aach schon so’n Scheiss im Angebot, ned zu glauwwe
Sie: So’n Kataloch kimmt mer aach ned ins Haus, mit so’m Schweinkram
Er: De NKD iss ja aach gleisch um die Eck, wos brauche mir do so’n Kataloch?
Sie: Do guck der den aa!
Er: Sauerei, kackt dem seun Hund uff die Gass und der geht aafach weider
Sie: Irschend so en Assi, der grad uff’m Sozialamt war
Er: Unn kaa Geld für ein Handfescher und ä Dudde
Sie: Wie der Herr, so’s Gescherr – so wird aus em bravo Hund än assoziale Straßescheisser
Er: Der zahlt garantiert kaa Hundesteuer
Sie: Der sieht ned so aus, als ded der die zahle
Er: Awwer uns de Soli aus de Dasch ziehe
Sie: Irschendwo müsse die jo die fehlende Steuerein- nahme widder ausgleische
Er: Komm machs Fenster zu, isch kann des Elend nemmer sehe
Sie: Isch koch uns en schöne Kaffee und dann gugge mer Vera am Mitdaach
Er: Wos für Thema iss’n heut dran?
Sie: Isch glaab “Nachbar, du gehst mir auf den Sack!”
Er: Immer interessante Theme, die Vera
Sie: Jo