Gra Pri
von de Ginder (copyright)
Willi: Isch grüsse disch
Heiner: Isch disch aach
Willi: Hasde heut Nacht aach Formel aans geguggd?
Heiner: Ei bin isch dann blöd mir so en Scheiß aazugugge
Willi: Isch hab des geguggd
Heiner: Ehrlisch?
Willi: Logo
Heiner: Unn, wer hod dann gewonne?
Willi: Kaa Ahnung, isch bin eugeschloofe
Heiner: Wor jo aach orsch schpät gekomme
Willi: Isch hab misch awwer so lang wachgehalde, bis zum Start
Heiner: Un dann schläfst du eu?
Willi: Ei, des iss doch ramdösisch, die fahrn dauernd im Kreis ärum
Heiner: Wor noch nie meu Sach, so´n Gra Pri
Willi: Isch gugg jo nur, weil de Schumi mitfährt
Heiner: Kennsde den?
Willi: Ned persönlisch
Heiner: Warum guggsde dann wesche dem?
Willi: Weil des en Deutsche iss
Heiner: Awwer der fährt doch für Italien
Willi: De Waachner Kurt fährt jo aach en Tojoda un fährt ned für die Japse
Heiner: Also du maanst, es is wischdisch wos drinne is, ned wos auße druff babd
Willi: Guud gesaacht
Heiner: Drotzdem iss des Schwachsinn
Willi: Ei, wieso dann?
Heiner: Ei weil die nur Krach mache un die Umwelt verpeste
Willi: Dofo merk isch awwer nix
Heiner: Werklisch?
Willi: Ei isch mach do aafach de Fernseher ä bissi leiser
Heiner: Debbes, zu wos soll der ganze Zerkuss guud sei?
Willi: Ei isch denk, die teste die Reife und die Straßelaach
Heiner: Un wos hast du defo?
Willi: Isch ned, awwer die Allgemeinheit
Heiner: Erklär mol
Willi: Ei die Allgemeinheit hod de Nutze aus dene ihrne Fahrwerkserfahrunge
un den Modorleistunge
Heiner: Fährst du en Schportwaache
Willi: Du waast doch, daß isch kaan Führerschein hab
Heiner: Eewe, wos soll dir des bringe?
Willi: Ei mir ned, awwer alle annere
Heiner: Wem dann?
Willi: Ei den Neuwaachekäufern halt
Heiner: Un wos hawwe die von dem Gra Pri?
Willi: Die ganz Technik in so em Neuwaache is doch aus dem Gra Pri entwickelt
Heiner: Kaa Wunner, wenn die rase wie die Idiode
Willi: Ganz im Geschedeil, die ganz Sischerheit im Audo iss en Erfolg von dene Gra Pri Entwicklunge
Heiner: Wos dann für Sischerheit?
Willi: Ei, Ärbäg, Knautschzone un so
Heiner: Saach des ämol dem Keller Lodar
Willi: Ei dem kann mer doch nix mehr saache, der iss doch vor zwaa Woche tödlisch verunglückt
Heiner: Eewe
Willi: Wos eewe?
Heiner: Ei, dem hod de ganze Gra Pir nix genutzt
Willi: Ei , dem iss jo aach en Reife geplatzt und iss mit hunnertzwanzisch
gesche en Baum gefahrn
Heiner: Die Streckeposde hodde halt vergesse Strohballe und Reifestabel uffzustelle
Willi: Des kannsde jetzt awwer ned vergleische
Heiner: Ei, wer vergleischt dann die ganz Zeit?
Willi: Un trotzdem bleib isch en Schumi Fän
Heiner: Jedem des seine
Willi: Eewe, isch saach jo aach nix zu deim Hobby
Heiner: Wos dann für ä Hobby?
Willi: Die ganz Nacht in Bayern 3 Schpäjsneit gugge
Heiner: Witzbold
Willi: Komm, mir trinke aan uff dem Schumi sein Siesch
Heiner: Hod deer jetzt doch gewonne
Willi: Kaa Ahnung, awwer de besde Fahrer isser allemol
Heiner: Geh mer oder fahrn mer
Willi: Geh mer