… haste Zerkuss mid daane Alde?
von de Ginder (copyright)
Willi: Ach de Heiner, wie dann?
Heiner: wie´s Wedder – heud so moie so
Willi: Ei saach emol, was is´n los, so kenn isch disch ja gor ned?
Heiner: Fraach liewwer ned
Willi: hasde Zerkuss mid daane Alde?
Heiner: Volltreffer
Willi: Ei, wos is dann los?
Heiner: Die streikd
Willi: Die Helma streikd?
Heiner: So isses!
Willi: So kenn isch daa Fraa ja gar ned
Heiner: Ei, isch ja aach ned
Willi: Ja saach emol, wos is dann passierd?
Heiner: Eischendlisch nix
Willi: Erzähl mer nix
Heiner: Ei, die Sach wor so. Isch guck grod mei Sportschau, do kimmt die
Helma un dud Staubsauche…
Willi: Während de Sportschau
Heiner: Ei, wenn isch ders saach
Willi: Des is werklisch ä stark Stück
Heiner: Des kannsde saache
Willi: Un?
Heiner: Was un?
Willi: Ei, wor noch wos?
Heiner: Nix, isch hab aafach de Stecker rausgezooche
Willi: Ned dumm
Heiner: Denkst du
Willi: Wieso?
Heiner: Ei, weil mei Helma jetzt streigt
Willi: Häsd des, das die jetzd ned mer staubsauche will
Heiner: ned nur des
Willi: Ei, wos dann noch
Heiner: Ei, die mescht gor nix mer
Willi: Aach nix zu esse mer?
Heiner: Nix mer
Willi: Ach kaa Wäsch mer?
Heiner: naa
Willi: Un eikaafe?
Heiner: De Kühlschrank wird immer leerer
Willi: Un sonst?
Heiner: S´Bett wird nemmer gemachd, die Katz hungerd, die Gass wird ned mer gekehrt un üwwerall steht dreckisch Gescherr
Willi: Ä Katastroph also
Heiner: Kannste laud saache
Willi: Un jetzt?
Heiner: Isch waas ned mer weider
Willi: Ä kniffelisch Saach
Heiner: En Gordische Knode
Willi: Hä?
Heiner: wos waas dann isch, wos des is, des hod de Waachner Kurt gesaad
Willi: Der hod aach kaa Lösung gefunne?
Heiner: Naa
Willi: Isch üwwerleesch als, wos mer do mache könnd
Heiner: Frooch misch emol, isch zermader mir des Hern
Willi: Bei de Gewerkschafde gibds ja immer so Streikbrescher
Heiner: Wie maansden des widder
Willi: Isch maan wenn jetzd du staubsauche dest?
Heiner: Ei, Heiner, des kimmt üwwerhaupt ned in Fraach
Willi: Ei, wieso dann ned?
Heiner: Amol gesauchd, immer gesauchd
Willi: Do hasde aach widder reschd
Heiner: Vorsischd is die Mudder der Porzellankisde …
Willi: Dann gibds nur a Lösung
Heiner: Ja! – Was dann Willi?
Willi: Ei, du steckst de Stecker vom Staubsaucher widder in die Steckdos
Heiner: Un dann?
Willi: Ei dann is die Ursach des Streiks gefunne un abgestellt
Heiner: Das isch do ned gleisch drufgekomme bin
Willi: Gell
Heiner: Ei, du bisd hald en eschde Freund
Willi: Mir Männer misse doch zusamme halde
Heiner: Sischer
Willi: Isch dank der aach schee
Heiner: Häst du doch aach gemaacht, wenn isch in so ner Klemm gewese wär
Willi: Ei sischer
Heiner: Ja dann
Willi: Ja dann blase mer den Streik jetzd ab
Heiner: awwer schnell
Willi: Mach´s gud
Heiner: mach´s besser