Schwarz Kass
von de Ginder (copyright)
Willi: Isch griese disch mein Freund
Heiner: sei gegriest mein Liewwer
Willi: Un wie dann?
Heiner: Subber
Willi: Hörd mer gern
Heiner: Ei isch hab mei Schäfscher im Trockene
Willi: Ei was dann für Schäfscher?
Heiner: Ei, isch hab jetzt ä schwarz Kass ogeleschd
Willi: Ogeleschd? Ei wie dann, wo dann?
Heiner: Nur wesche de Erna
Willi: De Erna wesche?
Heiner: Ei sischer!
Willi: Erzähl emol!
Heiner: wos krieschsdn du die Woche an Daschegeld?
Willi: Ei, so fufzisch Märker
Heiner: Du Glücklischer
Willi: Un du?
Heiner: dreisisch
Willi: Ned viel
Heiner: Ewe
Willi: Un was hast de gemachd
Heiner: Ei, ä schwarz Kass ogeleschd
Willi: Ned dumm
Heiner: Ei klewwer muß mer sei
Willi: Sach ma
Heiner: was?
Willi: Was meschsdn mit der schwarz Kass?
Heiner: waas noch ned, mo gugge
Willi Du werst doch ned in die Breidegass demid gehe?
Heiner: Heiner, was denkst de dann von mir – isch wor meine Erna immer treu
Willi: Entschuldigsche Willi, wor ned so gemaant
Heiner: Schon guud
Willi: Awwer sach ma
Heiner: was?
Willi: Wie kann mer dann von dreisisch Mark die Woch noch was in ä schwarz Kass eizahle?
Heiner: Eiserne Wille
Willi: Eiserne Willi – hahaha!
Heiner: hohoho!
Willi Was hasdn schon drin in der schwarz Kass?
Heiner: achzisch Märker
Willi: Ned schlescht
Heiner: Gell do gugste
Willi: Ned schlescht
Heiner: Do könnde mer beim Wachner Kurt emol en scheene druffmache
Willi: Du maanst mir zwaa?
Heiner: Ei sischer
Willi: Du bist werklisch en guude Freund
Heiner: Mir misse doch zusammehalde
Willi: Awwer sach emol, ä Frach hätt isch da schon noch
Heiner: Wassn?
Willi: Was is dann, wenn der die Alde auf die Schlisch kimmt?
Heiner: Ei wie maanstn des jetzt widder?
Willi: Ei, wenn die die schwarz Kass find
Heiner: find die nie
Willi: Wieso?
Heiner: isch bin doch ned blöd
Willi: Wieso?
Heiner: Ei isch hab des Geld doch längst beim Waachner Kurt in saane Kneip deponierd
Willi: Dem Waachner Kurt?
Heiner: Ei sischer, bei dem hab isch mei Kondo eigerischd
Willi: Und wenn de jetzt aan Schlugge gehst, dann geht alles bargeldlos üwwer die Bühn?
Heiner: Du hast es erfasst
Willi: Ned dumm
Heiner: Ei sischer
Willi: Awwer mol aagenomme den Fall, de Waachner Kurt krischd plötzlisch en Herzkasper
Heiner: des wär dumm
Willi: Maan isch awwer aach
Heiner: Do wär die schwarz Kass flöde
Willi: Ei sischer, denn dem sa Fraa was ja aach nix defoo
Heiner: Do hab isch jo noch garned droo gedacht
Willi: Ewwe
Heiner: Heiner, isch glaab isch muss des Kondo sofort ufflöse
Willi: Awwer schnell
Heiner: hilfst de mer debei?
Willi: Awwer sischer, wozu sinn Freunde dann do!
Heiner: Schwarz Bier is aach besser als ä schwarz Kass
Willi: Oder en scheene Äppelweu
Heiner: Oder ä schee gegrillt Hax
Willi: Meschd isch awwer maane
Heiner: Na dann nix wie ab
Willi: Awwer schnell
Heiner: Logo